هتعمل أية لو ولادك عملوا كدة فى بيتك


انا شوفت الصوره دي على الفيس بوك
بنفس العنوان
لقيت ردود غريبه وردود تضحك
ناس فكره الموضوع هزار
و ناس تزعق وناس تضرب وناس تانيه ممكن نعمل حاجت كتير اوى

وده كان ردي

بسيطه هاجيبلهم علب بوايه تانيه عشان يكملو لعب نصيحه يا جماعه اياكم تصرخو فى وجه الاطفال او تبوخوهم على افعالهم حاول بكل لطف انك تفهمه الصح والغلط بكل لطف وحنيه ولا تعتقد ابدا انك بتكلم طفل خلاص بقى هاتمشيى الي فى دماغك متنساش انك بتكلم مخلوق حي له روح وشخصيه ومشاعر واحسايس وله عقل والي انت شايفه غلط هوا اكيد شايفه صح ولا ماكنش عمل الغلط مستحيل تلاقي ربنا خلق اى مخلوق وبيعمل الغلط وهوا عارف انه غلط لا طبعا مافيش كدا ابدا هاديك مثال صغير لو دخلت لقيت اخوك الصغير ماسك قلم وعمال يشغبط فى كشكول محاضرتك او فى كتبك وكراريسك ودخلت حضرتك بقى زعقت وكشرت وشك وضربت اخوك ايه الي هايحصل انا اضمنلك وقتها انك مستحيل هاتلاقي اخوك ماسك قلم وبيشخبط فى كتبك تانى وكمان اضمنلك بنسبه كبيره انك ممكن تكون عقدته وميمسكش قلم ولا كراسه تانى انت اصلك مش واخد بالك اخوك بيحبك وحب يقلدك وانت بتزاكر هوا طبعا مش بيعرف يتكب عشان كدا كان بيشخبط اكيد لو بيعرف كان كتب كلام جميل طيب لو حضرتك دخلت عليه وبدل ما تضرب وتكشر كنت اديته كراسه فاضيه عشان يشخبط فيها اضمنلك وقتها انه هايحب الكتابه او هايحب التعليم وممكن لما يكبر يبقى حاجه مفيده فى المجتمع والفضل وقتها هايرجع لله وليك لأنك اكتشفت موهبته من صغره من اول ما مسك القلم وشخبط عرفت انه بيحب الكتابه والعلم اديته كراسه فاضيه وقلم وسيبته يطلع الابداعه الي جواه فى الشخبطه انت شايفه بيشخبط انما هوا شايف نفسه بيعمل حاجه جديده وبيبدع فيها تمام زي الطفل الي فى الصوره هوا شايف بعقله الصغنن انه بيعمل حاجه جديده ومش بس كدا لا ده كمان حاسس انه بيبدع ومستنى نظرة حنيه من الاب والام وتشجيع مش ضرب وشخيط صدقونى الموضوع ممكن تشوفوه تافه وصغير بس صدقونى الموضوع مهم وربنا يوفقنا جميعا ان شاء الله
ويارب تفتكرو كلامى لما تشوفو طفل صغير بيغلط
تحياتى وراق امنياتى
مصطفى الزهيرى

 

 

الضرب مش علاج والحمدلله انك اقتنعتى

وكل بقى ما تيجي تضربي اولادك

وتقدرى تحوشي نفسك ابقى خليهم يدعولى

وشكرا ليكي على مرورك العطر