لما تلاقي نفسك شغال 12 الى 16 ساعه فى اليوم والاجر رمزي مبيعملش حاجه

ابتسم انت في احدى الدول العربيه


لما تدخل مستشفى و رغم التقدم التكنولجي الرهيب فى العالم حواليك تحس انك فى واقف سلاخنه مش مستشفى وكمان تلاقي الموظفين بيعاملوك على انك عاله وانهم بيجاملوك

ابتسم انت فى احدى الدول العربيه

لما تستجمع شجاعتك و تقول الأه من جواك وتقف تطالب بحقك تنضرب بالنار وتموت وبعدين يرجعو يقولو لك اصلا مافيش ادله او فى نقص فى الدله يبقى انت على طول فى دوله عربيه


لما تلاقي زعيم عربي بيتكلم على التلفزيون المحلى وبيقول ان عندنا 20 مليون دولار رصيد زياده عن حاجة الدوله بس لو وزعنا الفلوس دي على الناس هانشيل الدعم من على السيارات والتموين والمطافي الخ الخ الخ

ابتسم انت فى دوله عربيه

لما تحس انا كل حاجه من حواليك بتغلى وتزيد سعرها وان الشيء الوحيد الي بينزل سعره وعمال يرخص هوا الانسان
بكل بساطه ابتسم انت فى احدى الدول العربيه

بعد كل الكلام ده
لو طب عليا امن الدوله فى البيت واتشفرت وماحدش عارف ليا طريق جره

هابتسم لانى بكل بساطه فى دوله عربيه

ومنك لله يا كينج

:)