لو سالتك انت مصري تقولي ايه
قول فكك مني
دي بلد بت كذا كذا
فكك من كلام نانسي
دي بت فافي مش حاسه بينا
دي بتغني لعالم تانيه مش لينا
عالم نايمه شاربه واكله عالم مش حاسه بينا
مش حاسه بالجوع الي بيكوينا
مش فاهمه معني التفليسه
والمشي ف الشوارع والقهوه والشيشه
مش حاسه قد ايه كارهين ملامح بعضينا
مش فاهمه قد ايه كارهين نفسينا
عالم تايهه ف دنيا غير ال احنا فيها
يا عم فكك مني

هقولك ايه ولا ايه
احكيلك عن طبور العيش
احكيلك عن الموصلات وزحمتها
ولا عن الشرطه ورجالتها
ولا عن المعتقالات وقسوتها
ولا الرشاوي وحلاوتها

يابني فكك مني
هقولك ايه ولا ايه !!

بزمتك انت لو سالتك انت مصري تقولي ايه !!