الله اكبر الله اكبر ..ادان الظهر

يارب يا رب بحق دا الادان تنجح يا نون ياابن ابني واشوفك دكتور اد الدنيا

يا ستي بس انا في تجاره

وماله يا بني هو يكتر ع ربنا دا ربنا قادر ع كل شئ

يا ستي ونعم بالله بس اللي يطلع دكتور لازم يكون ف كليه الطب مش تجاره

ياللا تجاره تجاره دا حتي التجاره شطاره.. دا حتي الله يرحمه جدك كان تاجر ف الوكاله اد الدنيا



يا ستي التجاره اللي ف الوكاله حاجه واللي ف الكليه حاجه تانيه

ع العموم شد حيلك وانا اخلي جدك يخدك معاه الوكاله عشان تتدردح وتتودك ف السوق

جدي ايه اللي حيخدني معاه... دا جدي مات من زمان

يا مصيبتي عبد الواحد مات مكنش يوم يا سبعي

يا ستي دا مات من 30 سنه

سنه دا العمر بيجري يا ولاد تصدق ولا حسيت بيهم .. يلا اهو غار قطع وقطعت سيرته ..دا كان بخل الدنيا فيه اللي عمره ما دخل عليا ببطيخه ولا كيس جوافه


يا ستي حرام عليكي عايز اذاكر بقي

يوه .. وانا ماسكاك يا وله ذاكر عشان ربنا يكرمك وتاخد الدبلون

دبلون ايه بس اسمه بكالريوس

انت حتضحك عليا يا وله الواد ابن فايزه جدع زيك كدا وف المدرسه التجاره وخد الدبلون

خلاص دبوم دبلوم سيبيني بقي عشان اذاكر

طيب خلاص ذاكر تعرف ندرن عليا يوم ما تنجح يا وله لاخطبلك عبير بنت رئيفه... دي ايه ادب واخلاق وعلام كمان

ياستي عبير دي معاها اعداديه

وماله الراجل ميعبوش غير جيبه


راجل! راجل مين ياستي ... عبير دي بنت

عبير مين يا وله انت بتعرف بنات من ورانا

لا اله الا الله ارحميني بقي عايز اذاكر ابوس رجلك يا ستي

طيب خلاص زاكر جتك نيله وانت طالع براوي زي امك قطعت وقطعت سيرتها .. انا عارفه ابوك كان خطبها ليه والنبي ومن نبي النبي نبي لكون مبوظه الخطوبه ومجوزاه سعاد بنت اختي


يا ستي خطوبه ايه ابويا مجوز امي من 25 سنه وبعدين انتي اصلا معندكيش اخوات بنات


اه صح اصل انا امي مكانتش خلفتها صبيان

حرااااااااااااااااااااااااااااام ستي اطلعي البلكونه شويه .. الهوا برا حلو:


لا يا خويا ف واحد حليوه وشعره مسبسب ف البلكونه اللي ادامنا بيقعد يعاكسني

خلاص روحي المطبخ اهو زمان امي خلصت الرز

رز رز ايه يبني هو انا فيا سنان للمكرونه... انا حطلع البلكونه احسن

طب ابقي خلي بالك من الهوا يا ستي

هوا هوا لما يلطشك يا بت يا جزمه انتي

الحمد لله اخيرا خرجت وقدرت اذاكر والحمد لله ربنا كرمني وحليت كويس بس للاسف المراقب سحب الورقه قبل مكتب اهم حاجه فيها

يا تري كان اسمي ايه ؟؟!! كان اسمي ايه؟؟؟!!!


انا مييييييين انا لييييه انا ازاااااااااي

منقوووووووووووووووووول