لولا على التابعين

موضوع: لولا 2011-11-28, 02:42

لولا الأكل المسرطن و الميه الملوثة و السحابه السوده ... مكنوش قدروا يستحملوا الغاز لغاية دلوقتي لمدة 96 ساعة.

- لولا الوقوف في طوابير العيش و طوابير التموين و طوابير التذاكر و .. الخ ... مكنوش قدروا يقفوا علي رجليهم كل ده في الميدان.

- لولا عدم وجود معامل في المدارس محترمه ... إتعودنا نعمل التجارب في
المطبخ و في الأخر بنطلع مسكات ضد الغاز و خميرة بتركيز 5% و خل بنسبة كذا و
بصل و .. الخ
... ...
- لولا فقر الشعب و إنه مش لاقي ياكل ... مكانوش قدروا يواصلوا كل ده من غير أكل.

- لولا ان اكتر من 30% بطالة و مكملش تعليمة و مش لاقيين حاجه يعملوها ... مكنتش هتلاقيهم 24 ساعة واقفين رجاله في الميدان.

- لولا اننا اتعودنا ندور علي كل حاجه بنفسنا ... مكانوش عرفوا مكان الأقنعة و مكانوش عرفوا مكان الكمامات و ازايز الرش البلاستك.

- لولا طلاب كليات الطب بيضيعوا 10 سنين من عمرهم عشان يتخرجوا من الكلية
... مكانوش قدروا يعالجوا 80 حالة في اليوم الواحد زي دلوقتي.

- لولا ال3 سنين تجنيد إجباري و جري من الشرطه العسكرية ... مكانوش عرفوا يتصرفوا قدام جهاز الشرطة و الأمن المركزي.

فعلاً، من اعمالكم سلط عليكم يا حكومات و رؤساء العار

ما يزرعه الإنسان إياه يحصد أيضاً

هل اعجبك الموضوع اذا لا تردد فى نشرة بين اصدقائك حتى تعم الفائدة فلا خير فى كاتم علم

الموضوع الإصلي : لولا المصدر : منتديات التابعين مع تحيات الكاتب: ELKING

موضوع: رد: لولا 2011-11-28, 16:23

تسلم يا محمد وسلمت ايديك

هل اعجبك الموضوع اذا لا تردد فى نشرة بين اصدقائك حتى تعم الفائدة فلا خير فى كاتم علم

الموضوع الإصلي : لولا المصدر : منتديات التابعين مع تحيات الكاتب: مصطفى الزهيرى