فكرة الموضوع سهلة وبسيطة اوى كل الا على الاعضاء انهم هيمروا على الموضوع دة يوميا ويسجلوا حالتهم مبسوطين أو لا اية حالتهم واحساسهم وكلمات مختصرة تعبر عن مودهم فى كل يوم والا حاسين بية اية وبكدة ممكن نطمن على بعض من خلال مزاجك اليوم
اتمنا انة يعجبكم واتمنا اشوف مشاركتكم هنا

اليوم 10/6/2009
حاسة انى حزينة ووحيدة ومحتاجة اعيط
بس الحمد لله على كل شئ

احساس انك نفسك تفرح وتعيش سعيد ولو لساعات قليلة وفجأة لا مش من حقك تكون سعيد ولا فرحان حتى ولو لساعات خليك كدة تعيس ووحيد
يارب تكتب السعادة على قلوب المسلمين وتبعد الحزن عنهم

واللهى يا خالد انا مش بسجل يوميا تقريبا وفية ايام بكون فيها مبسوطة وحتى لو مش مبسوطة على الاقل بحس بارتياح نفسى شديد زى النهاردة كدة والحمد لله على كل شئ والانسان ماهو الا مجموعة وتركيبة من المشاعر والاحاسيس انتة ممكن تحس بمنتها الحزن وبعدها بثوانى بمنتها الفرحة الشديدة لموقف معين حصل فرحك اوى وبعدين لازم نحس بالوحش علشان تعرف طعم الحلو اية مفيش حد ثابت ع حال ع طول لا الحزن بيدوم ولا الفرح بيدوم والانسان الذكى الا يحاول يسعد ايامة دايما حتى لو عندة مصايب الدنيا يدور على الفرح لان الدقيقة الا بتعدى مش بترجع تانى وكتر الحزن بيموت القلب

انا النهاردة بالى مرتاح يا خالد وحاسة براحة ومش حزينة وبردوا مش سعيدة
الحمد لله على كل شئ

وانا ابقا سعيدة لما اشوف كل اخواتى انتة واسامة ووحيد ونسمة والشيخ وايمى ومصطفى وا/ محمد وحبيب ونور وابو مريم واسراء وغادة وكل اعضاء المنتدى مبسوطين وحاسيين بالسعادة

صباح الخير على أعضاء المنتدى كلهم ويارب يجعلة يوم سعيد على الكل النهاردة

صباح الخير يا حبيب
حبيب اوقات كتير بتمر عليا لحظات ومواقف بنتمنا فيها عدم وجودنا اصلا فى الحياة من شدةالموقف او من صدمتنا فى اعز واحب الناس حوالينا لكن تفتكر دة هيكون حل ؟ حبيب ساعات الا بنكون فية من مواقف بيكون صعب اوى اوى اننا نواجهة كل الا اقدر اقولهولك اصبر وخلى عندك صبر وواجهة الا انتة فية واوعة الحزن يتغلب عليك او اليأس واحسم امورك بايدك وفى وقت محدد متسيبش الامور فى ايد غيرك هو يحسمهاوصدقنى بكرة لما الموقف دة يعدى هتفتكر وهتعرف انك بقيت اقوى

بدعيلك ربنا يسعدك ويفرح قلبك ويريح بالك وقلبك ويفك كربك يارب وينور طريقك
الحياة حلوة يا حبيب بس لو احنا نستغلها كويس اوى والحاجة الوحيدةالحلوة فى الموت هو انك هتشوف ربنا وسيدنا محمد وتنعم بجنتة لو كنت من اهلها