انا بكتب ليكوا دلوقتي وانا مخنوقه اوي بجد
ومش قادره امنع دموعي بجد مش عارفه اصلا

ومش عارفه هافضل للي انا فيه دا لحد امتي
بجد مش بيبعد عني اعمل ايه اكتر من اللي بعمله
مسحت تليفوناته ومسجاته وصوره وكل حاجه كانت بتفكرني بيه
ودي حاجه بجد كانت صعبه عليا اوي وانا بعملها
بس لما لقيت لميس بتقولي اني لازم افتكرله الوحش علشان اقدر امسح الحاجت دي
جاهدت نفسي ف اخر ليله فرديه ف رمضان
وانا ف المسجد قررت اني امسحهم وفعلا وانا قاعده مسحت ارقامه ومسجاته كلها
ولما رجعت البيت مسحت كل حاجه ليه من الكمبيوتر
وخلاااااااااااااااااااااص
قررت ابقي اقوي وانسااااااااه
عاملاله اجنور من علي الايميلات

البيه باعتلي اضافه علي موقع اسمه نيت لوج
دا معناه انه لسه مش مسحني من عنده
لا وكمان في بنات اصحابه علي الموقع دا
انا متضايقه اوي
انا مش ينفع اغير الميل لانه بتاع الشغل واصحابي من الجامعه ومن ثانوي عليه يعني استحاله اغيره
وانا مش ناويه اغير حاجه ف حياتي علشانه اكتر من كدا
كفايه ان انا نفسي اتغيرت اوي اتغيرت لدرجه اني بقيت واحده ولا بطيقها ولا بحبها
كفايه بقي
كل يوم اقرأ كتب علشان ابقي اقوي
بدعي ربنا ليل ونهار اني انساه
ليه بقي بيعمل كدا
انا متأكده انه بيعمل كدا مش قاصد وسايب ايميلي لمجرد واحده زياده ف اللي يعرفهم
بس يمسح انا عاوزاه يمسح ايميلي انا مش عاوزه اي حاجه تفكرني بيه
كفااااااااااااااااااااااايه
هو مش نساني بسهوله جدا جدا كدا يبقي ليه يعذب ف بنات الناس ليه يعني
انا تعبت والله وهو مش هامه اي حاجه ولا هامه اللي سابها من غير حتي ما تعرف ليه
اللي كان الايام دي المفروض اسعد ايام ف حياتها
وكان زمانها مخطوبه لأول انسان ف حياتها
واول واحد صدقته ف حياتها وامنتله

الحمدلله علي كل شئ الحمدلله