مش عارف اتغير منقولعلى التابعين

موضوع: مش عارف اتغير منقول 2009-09-10, 06:32

مش عارف اتغير "

"عايز أتوب ومش قادر ، المدمن على أى ذنب من الذنوب ولا يستطيع أن يتركه "

غالب الناس يقول "نفسى أكون كويس" ، تجدنى آخذ الخطوة وأسير قليلا ثم أرجع أقع ثانية لما كنت فيه من ذنوب ومعاصى،،، ناس تقول والله لقد تعبنا مع أنفسنا، هناك أناس تقول "أنا أناجى الله ويمكن دموعى تظل على خدى طول الليل وعندما أصبح أعود مرة ثانية الى مألوفاتى وعاداتى وأرجع تانى ولا أتغير".

أكيد ان مسألة التغير مسألة فى غاية الأهمية

"مش عارف، يئست من نفسى، عملت محاولات كثيرة جدا وسمعت دروس لا يوجد أكثر من ذلك ومش عارف أتغير، أين هى المشكلة؟ أنا ليه مش عارف أتغير؟ أين مكمن الداء؟ دلنى وقول لى أنا عايز أتغير ولكن مش عارف أتغير".

*
*
*
كلنا ذاك الرجل ............... " مش عارف أتغير "
وعلشان كده دا موضوع حلقتنا النهارده ، مش عارفين نتغير ليه ، طيب ازاي نتغير ، وخطواتنا العمليه لذلك ،والله المستعان

*
*
*

بعد صلاة الجمعه .. في أحد المساجد
جلس محمد ينتظر صديقه في الله عبد الله

دخل عبد الله المسجد ، وأخذ يبحث عن محمد بعينه ، وما ان رآه حتى ابتسم له وأشار إليه أنه سيصلي تحية المسجد ثم يأتيه ،

صلى عبد الله وذهب مسرعاً لمحمد يحتضنه ويطمئن عليه

عبد الله : أخبارك أيه يا محمد ؟

محمد - حزيناً - : الحمد لله .. الحمد لله رب العالمين

عبد الله : مالك ؟؟ شكلك مش عاجبني

محمد : تعبت ، تعبت يا عبد الله ، تعبت ومش قادر أتغير

عبد الله : طيب في الأول صلي على النبي

محمد : اللهم صلي وسلم وبارك على النبي محمد وآله وصحبه

عبد الله : قولي بقى مش قادر تتغير ، ولّا مش عارف تتغير

محمد : وأيه الفرق ، المهم أن مفيش تغيير حقيقي حصل ، حاسس بحاجه واقفه بيني وبين ربنا

عبد الله : يبقى في ذنب

محمد : قول ذنوب

عبد الله : مادام حاجه واقفه بينك وبينه ، يبقى في ذنب بعينه واقف بينك وبينه ، ذنب أنت عارفه ، ذنب مينفعش تقرب منه وأنت متعلق بالذنب دا

محمد : بصي يا سيدي ، ومن غير خجل وحياء منك ، الدنب هو

( قاطعه عبد الله ) : لأ ، أنا مش عاوز أعرف الذنب ، إن الله حليم ستير
المهم أنت تعرف الذنب

محمد : منا عارفُه كويس ، عارفُه كويس والله

عبد الله : خلينا نتكلم خطوه خطوه ،ونقول العوائق اللى مشعارفين نتغير بسببها :

أولا : إنك مش عاوز تتغير

محمد : أيه !!؟!!

عبد الله : اصبر عليا بس ، أنت مش عاوز تتغير بجد ، قلبك كله مش متابعك في قرار التغيير ، لسه في حته من قلبك متعلقه بالذنب دا ، حته ماسكه في الذنب أوي

ثانياً : عندك مبررات كتيره أوي للذنب دا ، يعني أصل أن بعمله غصب عني ، اصلي مضطر ، أصلي البيئه اللي حوليا ( يعني دايما بتجيب الذنب على أي شيء وأي حد إلا نفسك )

ثالثا: الفهم الخاطىء ، أننا اتربينا مش أن ربنا الأول في حياتنا ، اتربينا والدين صلاه وصيام فقط ، مش أن كل نفس يكون لله ، هذاا لفهم الخاطىء بيتقل أقدامنا في الخطوات التغيريه

رابعاً : هدفك المشوّش والنيه اللى مش تمام ، أنت عاوز تتغير ليه ، أيه هدفك ، محتاج تتغير في ايه ثم ايه ثم ايه ، أنت عاوز 100 حاجه في وقت واحد ، عاوز تحفظ القرآن وتطلب العلم ، وتحسن الخلق وتكون وتكون وتكون ، تاييه بين كل أهدافك

خامساً : البيئه المثبطه ، يا محمد أنت دافن نفسك وسط أصدقائك ، وأصدقائك مش وحشين ، بس مش هم دول اللي هيخدوك للجنه ، ولو في البدايه

سادساً : التسويف والتردد ، بتقول هبطل الذنب ، بس بكره ، بعده ، هتغير ، لا انا مقدرش على الطريق دا ، بكره بكره بكره

محمد : كفايه يا عبد الله ، أنا حاسس أنك بتتكلم عني انا ، حاسس انك بتقول كل حاجه جوايا ،

عبد الله : طيب أيه رأيك أنا هقولك معادلة التغيير

( رغبه + معرفة + ممارسه + استمرار ) = تـغـيـيــــر

(1) رغبه : لازم يكون عند رغبه للتغيّر ، رغبه صادقه ، أنت عارف حالك وانت بعيد عن ربنا قد ايه صعبه ، يبقى عندك رغبه تتغير علشان تحس بطعم الايمان ، تحس بالجنه في الأرض ، تحس بالقرب والرضا ، فأول حاجه رغبه صادقه تولد همه

(2) معرفه : مينفعش يكون عندي رغبه وبس ، لكن لازم أكمل المعادله علشان أوصل ، لازم يكون عندك معرفه إزاي تتغير، وازاي تتغير : حدد هدفك ، وضع خطه عمليه للوصول للهدف ، وأبدأ التنفيذ مع الاستمرار ، وانا ههديك شريط جميل اوي فيه كل شيء بالتفصيل

(3) ممارسه : الرغبه والمعرفه هتولد عندك الممارسه التي تُثبت صدقك وتقدمك في الطريق الى الله

(4) الاستمرار : ودي من أهم الخطوات ، وعلشان تستمر لازم يكون عندك صحبه صالحه ، ومحفزات للاستمرار زي درس علم مثلاً وهكذا

محمد : جزاك الله خيرا يا عبد الله ، مش عارفه اقولك ايه

عبد الله : جزانا وإياك يا محمد ، إني أحبك في الله
وأنا عارف أنك مشوش من الكلام كده ، ودا الشريط اللي قولتلك عليه ، كنت عامل حسابي انك هتحتاجه ، خذه واسمعه وبالورقه والقلم حدد خطواتك وقررات واستعن بالله ولا تعجز