هووهى مشيين على الكورنيش .. الجو حار .. الشمس محرقة

هي : عطشانة .

هو : وأنا كمان .

هي : يعنى ... عايزة اشرب!

هو : أكيد مادام عطشانة يبقى عايزة تشربي .

هي : المفروض – بما أن عندك إحساس يعنى – إني لما أقولك عطشانة تجيب ليا حاجة ساقعة .

هو : ومين اللي هيحاسب ؟؟

هي : أنت طبعاً .

هو : منين ياحسرة .. ماانتى عارفة الكانز وغطاه .

هي : ماقلتش عايزة كانز .. كفاية إزازة صاروخ .

هو : طب لو هاتجيبى اعزمينى معاكى .

هي : يابنى أنت مابتحسش ، وبعدين بقالنا 3 ساعات ماشيين ، أنت مش ناوي تقعدنا ولا إيه؟

هو : عندك الكورنيش كله .. اختاري الرصيف اللي يعجبك .

هي : قصدي تعزمنى في مكان شاعري .

هو : في الحر ده .. ماينفعش .

هي : بلاش دى .. نأخد مركب عالكورنيش .

هو : المراكب بتغرق اليومين دول .. خلينا ع البر أحسن .

هي : بلاش المركب تعالى نأكل ترمس .. أظن ده رخيص .

هو : إنتى تضمني منين إن الراجل غاسل إيده وغاسل الترمس

هي : أعوذ بالله .. إنت مقفلها كده ليه ؟؟

هو : بصراحة معييش فلوس .

هي :يا سلام!! .. ماأنت كان معاك إمبارح .

هو : إمبارح دخلت السينما مع بنت حلوة كده فالفلوس خلصت

هي : بنت حلوه ؟؟!! وبتقولها في وشى .

هو : أكذب عليكى يعنى .

هي : لأ .. تحرق دمى أحسن .

هو : أنا مش شامم ريحه شياط يعني .

هي : يخرب بيت البرود .

هو : برود إيه ؟؟ ماهو الجو مولع أهو .

هي : إنت اللي بارد .

هو : بارد إزاى ؟؟ دا أنا بشُر عرق .

هي : بقولك إيه .. روحنى .

هو : أروحك ؟! هو إنتى ماتعرفيش تروحي لوحدك .

هي : آآآآه .. طب أنا ماشية .

هو : ليه يا حبيبتي؟؟

هي : حبك برص .

هو : والله البرص بيفهم عشان حبني.

هي : بجد كده كتير .

هو : كتير إيه ؟؟

هي : إرحمنى .. واضح إن الحر بيجى معاك بالعكس .. يا بارد

هو : يعنى مصممة تمشى ؟؟

هي : أيوة وحالاً كمان .

هو : طب استني لما نوصل آخر الشارع .

هي : اشمعنى ؟؟

هو : أصل أنا ساكن هناك .. و مايرضكيش أروح لوحدى .

هي : لااااااااااااااااااااااا

هو : ينفع كده ترمي نفسك في الميه مين هايوصلني بقى

ايه الحــــــــــــب دا [center]

 

ههههههههههههههههههههههههههههههههههههههههههه
هههههههههههههههههههههههههههههههههههههه
هههههههههههههههههههههههههه
ههههههههههههه
هههههههه
هههه
هه
والله واد بيفهم
ههههههههههههههه
بجد توبيك جميل اوى اوى
بس البنت صعبانة عليا تموت نفسها
لية يعنى عشان عطشانة ترمى نفسها فى المية عشان تشرب
هههههههههههههههههههههههههههههههههه
بجد موضيعك كلها جميلة اوى
تقبلى مروى

 

 

وايه اللى مخليها تكلمه اساسا دا واد معفن
بس المهم هيا تستهال ولا اية

 

 

ههههههههههههههههه منوريين يا شباب طبعا تستاهل بجد منورين

 

 

بس شكلها تقيله اوى

 

 

اولا تسلمي ملاك موضوع جميل فعلا ويموت من الضحك
صاصا حبيبي الميزان علية انا اية ردك

 

 

متسويش حاجة تصور روبع كيلو بس خفيفة جدا صح

 

 

حادر
يا كينج روبع كيلو
روبع كيلوووووووووووووووووو يا كينج
صفى قولتلة ياباشا :D

 

 

اية خدماااااات يا صفى
اية خدماااااااات يا كينج

 

 

ايه ياجماعه الموضوع مش مستاهل لميزان ولا حاجه عادى جدا متشغلوش بالكم منورين اوى والله

 

 

محدش هيفهم غير اللى عارف انا بكتب ازاى ولمين
محدش يعمل نفسه ظريف
افهم الكلام الاول

 

 

ولا يهمك يا مان
شكرا للاهتمام

 

على فكرة يا كينج احنا بنهرج معاك
خلاص متزعلش معدتش هتحصل

 

عادى والله اخوات فى الله