حملة ضد التدخين ..على التابعين

موضوع: حملة ضد التدخين .. 2009-05-29, 20:03

جيلكم النهارده بموضوع من العيار الثقيل ..

بس محتاج فيه شوية ( رجاله )

رجاله مش أقصد رجل او أمره لكني اقصد يكونوا قد المسؤليه

فممكن أخت تكون بــ 100 ذكر

المهم ..

موضوعنا هيكون عن التدخين ..

وطبعاً موضوع التدخين دي ريحته سابقه كلامه ..

فانا مش هتكلم كتير عن خطورته . ..

بس ده شيء اتفق علي إنكاره .. كل الفئات ( اطفال . ونساء ورجال واطباء وحكومات ووزارات ... إلخ )

حتى المدخنين نفسهم عارفين ان الي بيعملوه غلط وانهم نفسهم يبطلوا لكنهم مش قادرين ..

لكن المشكله الكبيرة ....

انهم مازلوا بيدخنوا وكتير منهم مش قادرين يبطلوا

لحد ما السجاره قتلت .. ضميره ..

فتلاقيه بيشرب جنب أطفاله .. ومش خايف عليهم ..

في المواصلات .. جنب الاطفال والناس كلها مضايقه منه وبردو مش فارق معاه ..

يعني حتى مش فارق معاه نظر الناس ليه بعين الانتقاص ...

لكن في نفس الوقت كتييييييييير جداً من المدخنين لما تقول ليه ممنوع التدخين يسمع الكلام او تطلب منه يقفل السيجاره كتير منهم يتقبل ده بعد طلب ذلك منه ..

وده يفكرنا

" إن الله يؤتي بالسلطان ما لا يؤتيه بالقرآن "

فالمطلوب مننا .

عايزين نعمل تصميم لبوستر يطبع ويتوزع ..

يكون فيه بعض الكلمات ..

الاصل في البوسترات دي هي التضييق علي المدخنين من كل الجهات ..

انه يلاقي في كل مكان ممنوع التدخين ..

لما يلاقي في شغله

وفي المحل

في المواصلات .

في كل مكان ممنوع التدخيين ..

الموضوع مفيد من أكتر من ناحيه

اولاً

صاحب المكان نفسه : ممكن ميكنش عايز تدخين لكنه مش عنده الجرأه ان يقول .. او مش هيفضل كل واحد يدخل يفضل يقول ليه .. السيجاره لو سمحت ..

فالبوستر ده مفيد .. في انه يخلي صاحب المكان ايجابي ويشجه انه يمنع التدخين في المحل او في المكتبه او في اي مكان ..

ثانياً :

البوستر مفيد لاي واحد بيتاذي من التدخين .. في انه الاماكن الي بيروحوا تكون ممنوع فيها التدخين ..

ثالثاً :

ان المدخن نفسه هيكون معظم يومه بيروح اماكن بيطلب منه فيها عدم التدخين وده ليه اكثر من ناحيه مفيده للمدخن ..

وهي

1- انه لو بطل التدخين في 70 % من يومه .. دي تبقي خطوه حلوه جداً ليه وانه جسمه ياخد علي قلة جرعه التدخين ودي خطوه ليه مع شويه اراده من عنده يبطلها ..

2- وتاني شيء .. انه يحس او يشعر انه قد ايه بياذي الناس وان بيصرف فلوسه علي الفاضي .. وقد اي هو مرفوض .. وده يحسسه انه انسان مختلف غريب عن الناس .. ويحاول انه يبقي زيهم ويعيش عيشتهم .

ممكن واحد يكون شايفني ببالغ في بعض الكلام ..

لكن إي مشروع كبير أتحقق ونجح كان بادئ في الاول بتوقعات وشوية أحلام صغيرة ..

طيب البوسترات دي .. هتكون عباره عن ايه ؟ او مكتوب فيها ايه ؟

المطلوب في البوستر اننا نحط كلمه او تصميم يعبر .. عن المقصد ومعاه كلمه حلوه توصل ليه شيئين

الاول .. اننا عايزين مصلحتك وانك فعلاً ماشي غلط ..

.. لو مش فارق معاك.. المعني ده

يبقي الشيء التاني الي يوصل ليه ..

انك طالما مش فارق معاك مصلحتك .. يبقي احنا فارق معانا .. وبلاش تأذينا ..

هنقول بعض الجمل الحلوه المعبره .. ويكون مكتوب بخط صغير في اي مكان يشوفه المصمم حلو .. يتكتب ( التدخين حرام شرعاً ) عشان انا لا أظن ان انسان هيقدر يترك ذنب في حياته الا اذا كان لله ... لو كان عشان اي شيء تاني ممكن الشيء ده يزول ويرجع يشرب السجاير تاني فلازم طالما ذنب يبقي لازم توبه , لا يكفي خوفه علي ماله او علي صحته .. الذنب يبقي لازم توبه .. ولازم نركز علي ده في البوستر ده

المطلوب تصميمات كتييييييييير هنختار منهم 4 تصميمات فائزة

يعني لو عملنا تصميمات كتير 4 بس هم الي هيطبعوا وطبعاً هيكونوا افضلهم عن طريق استفتاء يتعمل بعد الانتهاء من التصميمات ..

الكل يقدر يشارك ..

سواء بأنه يذكر كلمه .. تتكتب بحيث يستعين بيها المصمم في تصميمه ..

او اي واحد مش قادر يصمم ممكن ينقل صوره تساعد المصمم في فكرته ..

او الي مش قادر يذكر هنا مقال عن التدخين او ينقل موضوع عن اخطار التدخين عشان يحمس الاخوه المصممين في اهميه العمل الي بيعملوه ..

انا عارف ان كتير عملوا .... حملات . . عن التدخين ..

لككن الفرق يا جماعه

اننا هنحاول نخلص ونحاول نربط الحمله ... برضا الله ..

يعني نحاول ندخل للمدخن انها معصيه .. وربنا يتوب عليك منها ..

التصميم الالوان فيه مفتوحه .. يعني براحتكم ..

وانا افضل تكون فاتحه عشان البوسترات بيكون سمك الورقه كبير شويه ( عشان بوستر يعني طبقتين ) فده بيخليها تكون بطيئه في الماكنه فبتاخد الوان زياده فبتغمق أكتر .. فالافضل تكون فاتحه أوي ..

أو غامقه خالص ( أسود .. كحلي ) كده ..

كل مصمم حسب راحته .. في تصميمه ..

بس بلاش الوان تتعبنا في القراءه ..

عشان يكون التصميم ظاهر وكلامه واضح

وحجم التصميم بتاعك هيكون ..

23.5 سم * 16سم

أهم شيء يكون الكلام واضح ومتناسق مع التصميم ..

التصميم عشان تكون متخيل شكله هيكون قد ورقه الكشكول تقريباً ..

المطلوب كلمات كويسه

تكون نصيحه للمدخن او علي الاقل تفهمه ان الناس في المكان ده مش راضين بالتدخين .. وفي نفس الوقت كلمه جميله ..

بالنسبه للمشروع ده .. وتكلفته

هو تقريباً 8000 نسخه بألف جنيه ..

وان شاء الله هنبدء ب 4000 نسخه يعني تقريباً 500 جنيه ..

بالنسبه لل500 جنيه

انا هدفعهم ..

لكن المطلوب دلوقتي التصميم عشان نبدء الطباعه ..

لكن في نقطه مهمه ..

4000 مش كفايه ..

فهنحتاج بعد نشر الكميه الي كميه تانيه ..

وده طبعاً محتاج فلوس تانيه ..

بالنسبه للفلوس التانيه هنجيبهم عن طريق ال 4000 نسخه الاولى .. هقولكم ازاي الفكره .. بس بعد ما إعلان الانتهاء من التصميم .. عشان في ناس بتسرق إي فكره ..

بس المهم نبدء التصميمات ..

ومنتظر الشغل الجامد ..

والاخوه الي مش تعرف تعمل تصميم تساعد فيه ..

ممكن تنقل لينا كلمات مؤثره ممكن تكون في التصميم ..

او صوره ممكن تفيدنا في التصميم ..

زي صورة سيجاره او صورة قلب اي صوره تفيد

بس برجاء التصميم ميكنش فيه صورة روح لانه هيطبع .. ومينفعش يكون فيه صورة روح ..

منتظر رأيكم وتصميمات .. وشعارتكم وصوركم واي مشاركه حتى ولو نقد .. المهم يكون ليك دور ..

نقطه مهمه جداً جداً جداً

وهي ان غير ان الصور دي تتعلق في المحلات او في الاماكن العامه او المواصلات ..

كمان كل واحد مننا يعلقها علي باب بيته .. باب شقته

باب عماره

في المصعد ..

وممكن تكون حملتنا ( أضعف الايمان ) باننا نجمع أكبر قدر من الصور والبوسترات هنا في الموضوع ده .. يكون دعوه وحمله للشباب علي النت ..

يعني اقل شيءء خالص ... يكون موضوعنا فيه صور كتيييييييييييييييييير أوي .. تكون زي مرجع .. لاي حمله تدخين أكبر شويه ..

او ننشر رابط الموضوع .. ويدخل صاحبنا إبن الحلال يقرا كلامنا ويشوف قد ايه بنعاني .. ويشوف شويه صور ..

فكل واحد عنده صوره تساعد .. حته وان مكنتش تنفع للتصميم .. مفيش مشاكل .. بس المهم بدون صور نساء ( طبعاً )

يلا يا رجاله

نبدء ببسم الله ...

صحيح نسيت أقولكم .. الي هيفوز معانا بالتصميم او بمجهود قوي حتى ولو مخرجش تصميم هيكون ليه هديه علي الاقل 200 بوستر .. وسيصله أينما كان .. ( ان شاء الله )

وسيتم وضع المشاركات الفعاله .. ورفعاها هنا ان شاء الله .. وسيتم وضع اي كلمات او صور او اي فكره تفيد الموضوع ..

-------------------------------------------------------------

اقترح كلمه قويه جداً ومعانيها حلوه جداً ومؤدبه جداً جداً

وانا انصح المصممين استخدامها وهي

هل اعجبك الموضوع اذا لا تردد فى نشرة بين اصدقائك حتى تعم الفائدة فلا خير فى كاتم علم

الموضوع الإصلي : حملة ضد التدخين .. المصدر : منتديات التابعين مع تحيات الكاتب: khaled_5o5a

موضوع: رد: حملة ضد التدخين .. 2009-06-03, 00:34

انا مدخن تقدرو تطبقو الحمله دي عليا

هل اعجبك الموضوع اذا لا تردد فى نشرة بين اصدقائك حتى تعم الفائدة فلا خير فى كاتم علم

الموضوع الإصلي : حملة ضد التدخين .. المصدر : منتديات التابعين مع تحيات الكاتب: مصطفى الزهيرى

موضوع: رد: حملة ضد التدخين .. 2009-06-03, 23:04

ربنا يهدينا جميعا

هل اعجبك الموضوع اذا لا تردد فى نشرة بين اصدقائك حتى تعم الفائدة فلا خير فى كاتم علم

الموضوع الإصلي : حملة ضد التدخين .. المصدر : منتديات التابعين مع تحيات الكاتب: khaled_5o5a

» كل شئ عن التدخين
» لمن يريد الأقلاع عن التدخين
» حملة استرجل بالصور 1
» زوجة زكية ابعدت زوجها عن التدخين
» أهداف حملة "إنترنت بلا فتنة"

حملة ضد التدخين ..على التابعين

حملة ضد التدخين ..

مواضيع مماثلة

مواضيع مماثلة