خلط الكريم و القهوه التركيه + صنفرتي الخاصه لجسم كالحرير 99%بالصور على التابعين

خلط الكريم و القهوه التركيه + صنفرتي الخاصه لجسم كالحرير 99%بالصور 5df139a170b6f7ec79a8bca9892e05f3

منــــقوول للافــــــــادهـ

-------------
خلط الكريم + القهوه التركيه = ؟؟؟؟ ~~ بالصور

يمكن الاغلب سمع عن القهوه التركيه وكيف انها تشد الجسم و تقلل من السيلوليت ..

طريقتها:
تاخذين مقدار حاجتك للجسم من القهوه التركيه و تخلطينها بماء ساخن و تفركين جسمك كله ثم تشطفينه بالماء العادي
و النتيجه حلوه لو داومتي عليها ..

لكن..

وحده من الاخوات هنا (الله يهديها) .. نزلت طريقه ان نأخذ أي كريم نستخدمه زي نيفيا او فازلين لوشن ...الخ
و نخلط فيه ملعقتين او ثلاث قهوه تركيه ..عشان يكون اسهل ..
نفرك الجسم فيه قبل الشاور بساعتين .. للعلم انها ما جربتها ..

بس انا جربتها .. اخذت الكريم و القهوه التركيه و خلطتهم مع بعض .. بعد مرور 3 ايام تقريبا

هذا اللي حصل معي ..

.
.
.

ايوه عفنت خلال 3 ايام بس ..

حبيت اوصل معلومه لكل وحده تنزل موضوع .. ترى كل شي تنزلينه على ذمتك ..
ما يصير تنزلين شي بس عشان مشاركات !!!! هذي اشياء تسبب حساسيه و التهابات لو غامرتي فيها ..

..

بالنسبه للقهوه التركيه اللي كتبتها في البدايه ..
انا بكتب لكم كل اللي صار معي واعرفه ..

استخدموها حلوه .. لكن لا تخليطنها مع كريم .. اخلطيها مع ماء ساخن وقت الاستخدام فقط ..
زي ماقلت لكم فوق ..

انا كنت استخدمها مدة 3 اسابيع مع كل شاور فقط ..
النتيجه ماعليها حسيت ان فخوذي انشدت شوووووووي لكن ما كملتها لان القهوه التركيه خلصت ولا شريت

صنفرتـي الخآصـه ~ لجسـم كالحريـر 99% ~ بالصــور
بسم الله نبدا ..

كل انثى ترغب بجسم كالحرير ..
و سبق و حطيت موضوع ينعم الجسم وهو موجود بين المواضيع بالاعلى ..
( نعومة زبدة و راحة بال ) ..

لكن هالموضوع صنفره خاصه وغير وخصوصا للبنات اللي توهم باديين بالاهتمام ..
هذي الصنفره من اختراعي .. لكن اكيد الاغلب عندهم مشابه لها ..

جربت كثير صنفرات و تعبت و انا اتبع صنفرات وخلطات ومازالت مشكلتي موجوده ..
لكن النتيجه اللي لقيتها بصنفرتي هذي هي ان اول مره أمرر يدي
على ذراعي و ساقي و احس بنعومه بدون حبوب الشعر اللي تحت الجلد الكريهه ..

ما اقصد الحبوب اللي بسرعه تروح .. لا اقصد زي اللي نلاقيها على الركبه و قريب عند الاكواع ..
و في خلف الساق مكان المسامات المزعجه ..

زي هالصوره .. ( الصوره ليست شخصيه ) ..
و يكون داخلها شعر صغييييير مره ..

حبيباتي ..
اللي بشرتهم حساسه .. ممكن يبدلون الملح بالسكر ..

المكونات :

- فنجانين سكر
- فنجانين ملح خشن (ضروري الخشن وليس الناعم - حاطته في علبة بيكربونات الصوديوم) ..
- ملعقه كبيره نشا
- ملعقتين صنفره اي نوع (انا استخدمت صنفرة شفا احبها بـ 5 ريال العلبه الصغيره بالعطار) ..
- ملعقتين كبار موية ورد
- ملعقه كبيره زيت اللوز المر
- ملعقه صغيره ملح الليمون ( يمكن الاستغناء عنه) ..
- نص علبة ملح الحليب (نسيت اصوره ) ..

تكفيك عدة استعمالات ..

الطريقه:

ملاحظه/ لا تحطين كل شي على بعض ثم تخلطينهم بالنهايه ..
لازم بالتدريج عشان ينخلطون عدل ..

حطي فنجانين السكر ..

ثم اضيفي فنجانين الملح الخشن ..

اخلطيهم ..

ضيفي ملعقة النشا ..

اخلطيهم ..

اضيفي ملعقتين الصنفره ..

اخلطيهم شوي (راح تلاقين صعوبه بالخلط مو مشكله بس شوي اخلطيهم مو لازم كله ينخلط) ..

ضيفي ملعقة زيت اللوز المر .. وملعقتين موية الورد ..

اخلطيهم عدل ..

ثم ضيفي نص علبة ملح الحليب ..

و اخلطيه زين ..

قوامه بيصير شوي ثخين على سايل ..

عبيه في علبه فاضيه عندك ..

---------
النتايج :

مدة استخدامه:
على راحتك ..
انا استخدمته مره وحده وفادني كثيييير ..
و راح اخليه استخدام اسبوعي ..
او متى ما روقت خلال الاسبوع اسويه مرتين ..

كيفية استخدامه:
خذي منه براحة يدك .. و وزعيه على جسمك .. وافركيه مدة دقيقه لكامل جسمك
الا (الوجه و المناطق الحساسه) .. و افركي بيدك او بالليفه المغربيه افضل ..

النتيجه:
راحت 99% من الحبوب الصغيره و حبوب الشعر اللي تحت الجلد من اول استعمال ولله الحمد ..

هل اعجبك الموضوع اذا لا تردد فى نشرة بين اصدقائك حتى تعم الفائدة فلا خير فى كاتم علم

الموضوع الإصلي : خلط الكريم و القهوه التركيه + صنفرتي الخاصه لجسم كالحرير 99%بالصور المصدر : منتديات التابعين مع تحيات الكاتب: ملاك الروووح

» طرق سهلة لحفط القران الكريم (تحت عنوان حملة يالا نحفظ القران الكريم)
» كوراث سوف تسخط بنا بالصور
» معجزات الله بالصور
» مراحل نمو الباندا بالصور ..
» حملة استرجل بالصور 1

خلط الكريم و القهوه التركيه + صنفرتي الخاصه لجسم كالحرير 99%بالصور على التابعين

خلط الكريم و القهوه التركيه + صنفرتي الخاصه لجسم كالحرير 99%بالصور

مواضيع مماثلة

مواضيع مماثلة