نوسه
فريق عيون اون لاين
 251
 246
 372
 33
 
 
 
 كيف تعرفت علينا : هاجر وميرو
|  موضوع: فى حب مصر(ام الدنيا) 2011-09-18, 13:25 | |
|  خطر علي بالي فكرة يارب تعجبكم
قولت نعمل توبيك
(في حب مصر)
ودة طبعا مش أسم وبس
ده هيبقي توبيك من نوع خاص
هنكتب هنا كل حاجة عايزين نقولها لأم الدنيا
ممكن نكتب أغنية سمعناها
وممكن نكتب بيت شعر عجبنا
وممكن نكتب مقولة اتقالت في حق مصر
المهم كل واحد بيحب مصر يدخل ويكتب لمصر كلمة
وأنا هبدأ وبقولها ...........
يابلادي .. يا بلادي
أنا بحبكـ يا بلادي
قولوا لأمي متزعليش .. وحياتي عندك متعيطيش
قولولها معلش يا أمي .. أموت أموت وبلدنا تعيش
أمانه تبوسولي ايديها وتسلمولى على بلادي
يابلادي .. يا بلادي
أنا بحبكـ يا بلادي
في جسمي نار ورصاص و حديد .. علمك في ايدي واسمي شهيد
بودع الدنيا وشايفك .. يا مصر حلوه ولابسه جديد
لآخر نفس فيا بنادي .. بموت وأنا بحب بلادي
يابلادي .. يا بلادي
أنا بحبكـ يا بلادى
طايرين ملايكه حواليا طير .. لحظة فراقك يا حبيبتي غير
همشي معاهم وهسيبك .. وأشوف يا مصر وشك بخير
قالولى يلا ع الجنه .. قولتلهم الجنه بلادي
يابلادي .. يا بلادي
أنا بحبكـ يا بلادي
يابلادي .. يا بلادي
أنا بحبكـ يا بلادي مستنيه تفاعلكم : فى حب مصر(ام الدنيا) المصدر : منتديات التابعين مع تحيات الكاتب: نوسه | منتديات التابعين,, توقيع : نوسه | |
|
|
مصطفى الزهيرى
Admin
1
 01010442330
1746
3244
38
 كن في الحياة كعابر سبيل واترك وراءك كل اثر جميل فما نحن في الدنيا الا ضيوف وما على الضيوف الا الرحيل
كيف تعرفت علينا : مؤسس عيون اون لاين
| | موضوع: رد: فى حب مصر(ام الدنيا) 2011-09-18, 14:36 | |
|
انا هاشارك بتوقيعي
على اسم مصر التاريخ يقدر يقو ما شاء انا مصر عندى احب واجمل الأشياء
الموضوع الإصلي : فى حب مصر(ام الدنيا) المصدر : منتديات التابعين مع تحيات الكاتب: مصطفى الزهيرى | منتديات التابعين,, توقيع : مصطفى الزهيرى | |
|
|
رودى
فريق عيون اون لاين
361
560
809
30
كيف تعرفت علينا : من طرف ملاك
| | موضوع: رد: فى حب مصر(ام الدنيا) 2011-09-18, 15:59 | |
| اسم مصر
على اسم مصر التاريخ يقدر يقول ما شاء
أنا مصر عندي أحب وأجمل الأشياء
بحبها وهي مالكة الأرض شرق وغرب
وبحبها وهي مرمية جريحة حرب
بحبها بعنف وبرقة وعلى استحياء
واكرهها وألعن أبوها بعشق زي الداء
واسيبها واطفش في درب وتبقى هي ف درب
وتلتفت تلاقيني جنبها في الكرب
والنبض ينفض عروقي بألف نغمة وضرب
على اسم مصر
مصر النسيم في الليالي وبياعين الفل
ومرايه بهتانة ع القهوة .. أزورها .. واطل
القى النديم طل من مطرح منا طليت
والقاها برواز معلق عندنا في البيت
فيه القمر مصطفى كامل حبيب الكل
المصري باشا بشواربه اللي ما عرفوا الذل
ومصر فوق في الفراندة واسمها جولييت
ولما جيت بعد روميو بربع قرن بكيت
ومسحت دموعي في كمي ومن ساعتها وعيت
على اسم مصر
أنا اللي اسمي حتحـور .. أنا بنت رع
مثـال الأمـومـة ورمـز الحـنـان
تفـيض حـلمـاتي وتمـلا الـتـرع
وتسـقـي البـشـر كلهـم والغـيـطان
نهايته يا مصر اللي كانت أصبحت وخلاص
تمثال بديع وانفه في الطين غاص
وناس من البدو شدوا عليه حبال الخيش
والقرص رع العظيم بقى صاج خبيز للعيش
وساق محارب قديم مبتورة ف أبو قرقاص
ما تعرف اللي بترها سيف والا رصاص
والا الخراب اللي صاب عقل البلد بالطيش
قال ابن خلدون أمم متفسخة تعيش ليش
وحصان صهل صحى جميع الجيش
على اسم مصر
النخل في العالي والنيل ماشي طوالي
معكوسة فيه الصـور .. مقلوبة وانا مالي
يا ولاد أنا ف حالي زي النقش في العواميد
زي الهلال اللي فوق مدنة بنوها عبيد
وزي باقي العبيد باجري على عيالي
باجري وخطوي وئيد من تقل أحمالي
محنيه قامتي .. وهامتي كأن فيها حديد
وعينيا رمل العريش فيها وملح رشيد
لكني بافتحها زي اللي اتولدت من جديد
على اسم مصر
مصر .. التلات أحرف الساكنة اللي شاحنة ضجيج
زوم الهوا وطقش موج البحر لما يهيج
وعجيج حوافر خيول بتجر زغروطة
حزمة نغم صعب داخلة مسامعي مقروطة
في مسامي مضغوطه مع دمي لها تعاريج
ترع وقنوات سقت من جسمي كل نسيج
وجميع خيوط النسيج على نبرة مربوطة
أسمعها مهموسة والا أسمعها مشخوطة
شبكة رادار قلبي جوه ضلوعي مضبوطة
على اسم مصر
وترن من تاني نفس النبرة في وداني
ومؤشر الفرحة يتحرك في وجداني
وأغاني واحشاني باتذكرها ما لهاش عد
فيه شيء حصل أو بيحصل أو حيحصل جد
أو ربما الأمر حالة وجد واخداني
انا اللي ياما الهوى جابني ووداني
وكلام على لساني جاني لابد أقوله لحد
القمح ليه اسمه قمح اليوم وأمس وغد
ومصر يحرم عليها .. والجدال يشتد
على اسم مصر
: فى حب مصر(ام الدنيا) المصدر : منتديات التابعين مع تحيات الكاتب: رودى | منتديات التابعين,, توقيع : رودى | |
|
|
2013-04-07, 23:05
