تيجى نلعب لعبة

لعبة إسمها الحروف

نحكى فيها قصص

ألم ليالى الخوف

ردت عليا إكتب

حزن الليالى و شوف

و بدأت

أول ليلة شفتها

شفت فيها ملامح تانية

سلمت عليها لمستها

بعيونى حضنتها

سالتها

إنتى إنتى و لاشكلها

ضحكت وقالت

تقصد حبيبة عشقتها

قصة غرام عشتها

لحظة سكون إتمهدت

صوت العيون إتكلمت

عن كل أمال الليالى

بعيون خجلانة سألتها

نفس همسك همسها

ردت يا صاحبى لأ

أنا قصة فى أول ليلة

عمرك لسة ما عشتها

طريق طويل صاحبتها

بنهايته نورس و شراع

و أحلام الليالى رسمتها

سألت النورس ..مهاجر ؟

قالى صحبة.. لو نهاجر

سألتها سمعتها لمحتها

صرخة ضحكة فرحة

شد الشراع و حالا نغادر

بعطر الليالى نرحل نسافر